Giaresto ang usa ka pulis ug miyembro sa Philippine Coast Guard

 PULIS UG MIYEMBRO SA PCG, NADAKPAN HUMAN MADISGRASYA ANG GISAKYAN NGA VAN NGA NAGKARGA OG KONTRABANDO

GENERAL SANTOS CITY - Giaresto ang usa ka pulis ug miyembro sa Philippine Coast Guard nga sakay sa puti nga van nga nabalintong sa Diversion Road, Barangay Sinawal, General Santos City, Huwebes sa buntag, Pebrero 20.

Subay sa report sa Sarangani PNP, gikan sa Maasim, Sarangani Province ang van nga kargado'g kinarton nga smuggled nga sigarilyo ug gilikayan niini ang checkpoint sa mga pulis sa 2nd PMFC Sarangani ug hapit pa mabanggaan ang pulis sa lugar hinungdang nga gigukod kini sa mga pulis.

Pag-abot sa kanto Litan, Diversion Road sa Barangay Sinawal, General Santos City nadisgrasya ang Van ug nagkatag sa kalsada ang mga sigarilyo nga adunay kauban nga itum nga SUV.

Nasayran nga ang SUV nagkarga og 3 ka box sa smuggled nga sigarilyo nga gimaneho sa usa ka PSSg

Rex Jalandoni nga nadestino sa HPG South Cotabato.

Apil sa naaresto ang usa ka miyembro sa Philippine Coast Guard nga giila sa mga otoridad nga si Gerant Gervacio ug laing duha pa ka indibiduwal nga giilang sila Kenneth Tabion ug Meljay Antugon.

Gawas sa smuggled nga sigarilyo, nakakumpiska pa gyud ang mga pulis og armas ug bala nga naa sa magazine.

Gikustodiya na sa kapulisan sa Sarangani Province ang Pulis ug Coast Guard Member ug 2 pa ka kaubanan niini.

#newslinephilippines

Courtesy: Kutangbato News